Mann banwara.....

Mann banwara maane na kaha,

Sapno ke peeche bas bhaaga chala,

Ruke naa kehne par bhi,

Soche naa kya bura, kya bhala,

Aaine me dhoondhe chehra,

Hawaaon me dhoondhe aawaaz,

Naach uthe akele me hi,

Tanhai me ched de saaz,

Door hokar bhi paas laage ise,

Woh, jiske liye hai ye bekaraar,

Bas, tadpe din raat usi ke liye,

Par maane naa ye haar,

Ye toh apni marzi ka maalik hai,

Sahi aur galat ko naa pehchaane,

Aakhir, man banwara jo thehra,

Isliye, ye koi baat naa mane…!!!!